LIRIK LAGU MANAT

ATU TULU GRUP - MANAT

Ini tekek manatku
Ari aku urang tuêmu mayakku wô
Wô ôpôh bajungku
Êngê luah ari aku mayakku wô

Kaô têngah mudê kuluahi sintê
Amanah ari Tuhêntê
Ku kitê bêbëwëntê
Bugê kati sêmpêrnê môrepmu purên

Konot di ruêsmu
Asa lêlang ilêne akalmu mayakku wô
Ken sêni tôbôhmu
Asa singkêt ilên pêmekermu mayakku wô

Turah pane kô bêrcôntô
Si jêrôh i tônôngkô
Jêroh ôrôm sudêrê
Salah tekek ênti dêwê
Têtahi kê salahtê
Kati muliê purên

Bêrtôtôr gêlah pane
Nantu ate ni urang tuê mayakku wô
Ênti sawah kupênge
Saket nate ni urang tuê mayakku wô

Ku Ukên kô bêrinê
Ku Toa kô bêrama
Ênti sawah mubëda
Ruês ôrôm tungku
Bêta lê si jêrôhe
Turah i timang kô

Ini manat pêngën ari aku mayakku
Ini manat ken nêmah bêlôhmu mayakku
Ari aku urang tuêmu
Ini manat pêngën ari aku mayakku
Ini manat ken nêmah bêlôhmu mayakku
Ari aku urang tuêmu

Soboh têrang laô
Kami julên kô mah kêrô lê mayakku wô
Ikê rêdôk pe laô
I têgêr kô mi atemu lê mayakku wô

Kaô turah bêlôh
Munêtahi naseb
Sêmpêrnê ni môrep
Tuahmu bahgiê
Oya ngê i garesên
Ari Tuhentê

Ini ara pantôn
Ari aku urang tuêmu lê mayakku wô
Bahgiêmi roanmu
Rôm do’angku kukeremên mayakku wô

Bugê mu ken sêserenên
Têmpatku bêrlongoh
Biêr i basahi urên
Biêr i poraki laô
Payông si kukêmangên
Longoh gêrê tôrôh

Sêlamat mi bêlôh
Asal rôlôh nong atengku lê mayakku wô
Reneh ngê atengku
Ôpôh bajungku ngê bêlôh mayakku wô

Biêrpe kaô jarak
Ingêti kô kase
Ku kaô rêroanmu
Sêlalu mi munuju
Biêrpe bêpêrau
Ênti sawah mubalek

Ini manat ku kaô roanmu mayakku
Ini manat ken nêmah bêlôhmu anakku
Ari aku urang tuêmu
Ini manat ku kaô roanmu mayakku
Ini manat ken nêmah bêlôhmu anakku
Ari aku urang tuêmu